my parent's 25th anniversary

Its my parents 25th anniversary today.This one is for them.

shayad meri koi dua kubool hui
jo maine aap dono ko maa-baap ke roop mein paya
main zingagi ka ek safar bhi na tai kar paati
agar na hota mere sar pe aap dono ka saaya

meri zindagi,mere usool,mera astitva,mera vyaktitva
sab hai aap dono ki badaulat
hamesha aapko apne kareeb paaya
jab bhi mehsoos hui mujhe aapki zaroorat

main is bheed mein shayad kahin kho jaati
agar har kadam aapne sambhala nahi hota
kahan mujhme itni himmat thi akele chalne ki
agar aapne hosla aur vishwas dilaya na hota

har galti ko maaf karke
hamesha hume sahi raasta dikhaya
sukh dukh ko zindagi ka hissa samajh ke
aapne hame jeene ka matlab sikhlaya

itna pyaar diya ki
pata hi nahi chala kab chote se bade ho gaye
aaj jab peeche mud ke dekhti hoon toh yaad aata hai
meri zindagi ke sabse haseen lamhe aapse jude the

jaante hain hum
hamari khushiyon se hi hai aapke saare sapne pure hote
aaj is pal rab se sirf itni dua hai
ki 25 saalon ka aapka yeh saath saari zindagi na choote.

a very happy 25th anniversary to both of you.